SANVEER ITTOLI

മുനീര്‍ മുഹമ്മദ്‌ റഫീഖ്‌
1944, രണ്ടാം ലോക മഹായുദ്ധം കൊടുമ്പിരിക്കൊണ്ടിരിക്കുന്ന കാലം. ജര്‍മ്മനി, ക്രീമിയ പിടിച്ചടക്കിയ അക്കാലത്ത,്‌ അലി എലിയേവ്‌ എന്ന ക്രീമിയന്‍ ബാലന്‌ ഒമ്പതു വയസ്‌ പ്രായമേയുള്ളൂ. സുഡാക്‌ പ്രവിശ്യയിലെ ഒരു സ്‌കൂളില്‍ അഭയം തേടിയിരിക്കുകയായിരുന്നു, ക്രീമിയയിലെ മറ്റു പലരെയും പോലെ ആ കൊച്ചു ബാലനും. തങ്ങളുടെ വിമോചകരായ സോവിയറ്റ്‌ സൈന്യം എപ്പോള്‍ വരുമെന്ന കാത്തിരിപ്പിലായിരുന്നു അവര്‍.
വിമോചകരെന്ന്‌ തങ്ങള്‍ പ്രതീക്ഷിച്ചയര്‍പ്പിച്ച സോവിയറ്റ്‌സേന തന്നെ തങ്ങളുടെ വിനാശകരായി മാറുന്നതാണ്‌ പിന്നീട്‌ അവന്‌ കാണാന്‍ കഴിഞ്ഞത്‌. ക്രീമിയയിലെ തദ്ദേശീയരായ നിരവധി താര്‍ത്താരികളെ സൈന്യം പിടിച്ചുകൊണ്ടു പോയി. എങ്ങോട്ടാണെന്നോ എന്തിനാണെന്നോ അവനന്നറിയുമായിരുന്നില്ല.

ആഡംബരങ്ങള്‍ വളര്‍ന്നാണ്‌ സാമൂഹിക ദുരന്തങ്ങള്‍ സംഭവിക്കുന്നത്‌

- കാമ്പയിന്‍ -
വി കെ ജാബിര്‍
ആഡംബരം, ധൂര്‍ത്ത്‌ എന്നിവയ്‌ക്ക്‌ എക്കാലത്തേക്കും യോജിച്ച ഒരു നിര്‍വചനം സാധ്യമായിരിക്കില്ല. ഒരു കാലത്ത്‌ ആവശ്യം പോലുമല്ലാതിരുന്ന എത്രയെത്ര സംഗതികളാണ്‌, വസ്‌തുക്കളാണ്‌ പില്‍ക്കാലത്ത്‌ ആവശ്യമോ ഒഴിച്ചുകുടാന്‍ പറ്റാത്തതോ ആയി മാറിയത്‌. ആഡംബരമായി കണ്ട വസ്‌തുക്കള്‍ കാലക്രമേണ അവശ്യ വസ്‌തുക്കളായി രൂപാന്തരപ്പെടുന്നു. ധൂര്‍ത്തെന്നു സമൂഹം വിലയിരുത്തിയ എത്ര കാര്യങ്ങളാണ്‌ വളരെ വേഗം ആവശ്യങ്ങളുടെ പട്ടികയില്‍ ഇടംപിടിച്ചിട്ടുള്ളത്‌. മനുഷ്യരുടെ പുരോഗതിയുടെ അടയാളങ്ങളായി എണ്ണപ്പെട്ട ഓരോന്നും ആദ്യം ആഡംബര വസ്‌തുവും പില്‍ക്കാലത്ത്‌ ജീവിതത്തില്‍ നിന്നു വേര്‍പെടുത്താന്‍ കഴിയാത്ത വസ്‌തുവുമായി പരിണമിക്കുകയാണ്‌.

ഇന്ത്യന്‍ മുജാഹിദീനും മാധ്യമഭീകരതയും

ചത്തത്‌ കീചകനെങ്കില്‍ കൊന്നത്‌ ഭീമന്‍ തന്നെ. മലയാളത്തിലെ ഒരു പഴഞ്ചൊല്ലാണിത്‌. ഹിന്ദുപുരാണത്തിലെ ഒരു മിത്തിനെ ആസ്‌പദമാക്കി വന്നതാണിത്‌. ഏതാണ്ട്‌ ഇതുപോലെയാണ്‌ ഇന്ത്യയിലെ ഭീകരപ്രവര്‍ത്തനങ്ങളുടെ സ്ഥിതി. എവിടെയെങ്കിലും ഒരു സ്‌ഫോടനമുണ്ടായാല്‍ ഓടിയെത്തിയ പോലീസ്‌ ആദ്യം പറയുന്നത്‌ ഇതിന്റെ പിന്നില്‍ ഇന്ത്യന്‍ മുജാഹിദീന്‍ ആണെന്നായിരിക്കും.

ഇന്ത്യന്‍ സമൂഹത്തെ മനസ്സിലാക്കുന്നതില്‍ കമ്യൂണിസ്റ്റുകള്‍ പരാജയപ്പെട്ടു

- അഭിമുഖം -
കെ വേണു /മുഹ്‌സിന്‍ കോട്ടക്കല്‍

കേരളത്തില്‍ എഴുപതുകളില്‍ സജീവമായിരുന്ന തീവ്ര വിപ്ലവ പ്രസ്ഥാനങ്ങള്‍ക്ക്‌, മാവോയിസ്റ്റ്‌ സിദ്ധാന്തങ്ങള്‍ക്ക്‌, കേരളത്തില്‍ ഇന്ന്‌ ജീവിച്ചിരിക്കുന്ന ഇടത്‌ ധൈഷണികതയ്‌ക്ക്‌, വിശാല ജനാധിപത്യ സങ്കല്‍പങ്ങള്‍ക്ക്‌ ഒരൊറ്റ വാക്കുണ്ട്‌. അത്‌ കെ വേണു എന്നാണ്‌.

ഹദീസ്‌ നിരൂപണവും നിഷേധവും

- വിശകലനം -
അലി മദനി മൊറയൂര്‍
കിതാബു ത്വിബ്ബില്‍ (ഇതേ ബാബില്‍ തന്നെയാണ്‌ സിഹ്‌റിന്റെ ഹദീസും) ബുഖാരി റിപ്പോര്‍ട്ട്‌ ചെയ്‌ത ഹദീസില്‍ `ദുര്‍ലക്ഷണം മൂന്നു കാര്യത്തിലാണ്‌; വാഹനത്തിലും സ്‌ത്രീയിലും കുതിരയിലും' അബൂഹുറയ്‌റ(റ) ഇപ്രകാരം പറഞ്ഞതായി ആഇശ(റ) അറിഞ്ഞപ്പോള്‍ രോഷത്തോടെ അവര്‍ പറഞ്ഞു: അബുല്‍ കാസിമിന്‌ ഖുര്‍ആന്‍ ഇറക്കിയവന്‍ തന്നെ സത്യം! ഇങ്ങനെയല്ല, അല്ലാഹുവിന്റെ ദൂതന്‍ പറഞ്ഞത്‌ ഇപ്രകാരമാണ്‌: ജാഹിലിയത്തിലെ ആളുകള്‍ പറയാറുണ്ടായിരുന്നു, ദുര്‍ലക്ഷണം വാഹനത്തിലും മൃഗത്തിലും സ്‌ത്രീകളിലുമാണെന്ന്‌. എന്നിട്ട്‌ അവര്‍ ഈ വചനം ഓതി. (സൂറതു ഹദീദിലെ 22-ാം വചനം) ``ഭൂമിയിലോ നിങ്ങളുടെ ദേഹങ്ങളില്‍ തന്നെയോ യാതൊരു ആപത്തും ബാധിക്കുകയുണ്ടായിട്ടില്ല; അതിനെ നാം ഉണ്ടാക്കുന്നതിന്റെ മുമ്പുതന്നെ ഒരു രേഖയില്‍ ഉള്‍പ്പെട്ടുകഴിഞ്ഞിട്ടല്ലാതെ. തീര്‍ച്ചയായും അതു അല്ലാഹുവെ

പ്രവാചക സമൂഹത്തിലെ ജനാധിപത്യ പാഠങ്ങള്‍

ഖലീലുര്‍റഹ്‌മാന്‍ മുട്ടില്‍

ഭൂമിയില്‍ ഒട്ടേറെ ഭരണരീതികള്‍ കഴിഞ്ഞുപോയിട്ടുണ്ട്‌. രാജഭരണം, ഗോത്രഭരണം, കൂട്ടുകക്ഷി ഭരണം, ഏകാധിപത്യം, ജനാധിപത്യം തുടങ്ങിയ ധാരാളം ഭരണരീതികള്‍ക്ക്‌ ലോകത്തിന്റെ വിവിധ ഭാഗങ്ങളിലുള്ള ജനവിഭാഗങ്ങള്‍ വിധേയരായിട്ടുണ്ട്‌. ഇന്നും ലോകത്തിന്റെ കൊച്ചുകൊച്ചു പ്രദേശങ്ങളിലും വന്‍ രാജ്യങ്ങളിലുമായി ഈ ഭരണ സമ്പ്രദായങ്ങളെല്ലാം വിവിധ ഭാവങ്ങളില്‍ നമുക്ക്‌ കാണാന്‍ കഴിയും. പ്രവാചകന്‍(സ) മനുഷ്യസ്‌പര്‍ശിയായ ഒരു സമ്പൂര്‍ണ മതം ലോകാന്ത്യം വരെയുള്ളവര്‍ക്ക്‌ കൈമാറുകയുണ്ടായി.

ഈ ഇതളുകള്‍ വാടാതിരിക്കട്ടെ

- പെണ്‍ലോകം -

ജമീല ടീച്ചര്‍ എടവണ്ണ

പുറത്ത്‌ തലേ രാത്രിയിലെ മഴ തോരാന്‍ മടിച്ചുനില്‌ക്കുന്നു. മഴവെള്ളം മദ്‌റസയുടെ മുറ്റത്ത്‌ കൊച്ചു കൊച്ചു നീര്‍ച്ചാലുകളുണ്ടാക്കാന്‍ മത്സരിക്കുകയാണ്‌. നോട്ടു പുസ്‌തകത്തിന്റെ താളുകള്‍ കളിവള്ളങ്ങളാക്കി ഒഴുക്കുന്ന തിരക്കിലാണ്‌ കുട്ടികളെല്ലാം. നൂറ മോള്‍ക്ക്‌ അതിലൊന്നും ഒട്ടും താല്‌പര്യം തോന്നിയില്ല. പ്രഭാതത്തിന്റെ ശോണിമയെ കീറിമുറിച്ചുകൊണ്ട്‌ പെയ്‌തിറങ്ങുന്ന മഴയെയും അവള്‍ക്കിഷ്‌ടമായില്ല. തന്നെപ്പോലെ മഴക്കും എന്തേ ഇത്ര ദു:ഖം? നൂറ മോള്‍ കണ്ണുതുടച്ചു.

കാലം ഉണക്കുന്ന മുറിവുകള്‍

- കഥ -

റഷീദ്‌ പരപ്പനങ്ങാടി

രാത്രിയുടെ അന്ത്യയാമങ്ങളില്‍ കണ്‍പോളകളില്‍ അരിച്ചെത്തിയ ഉറക്കം. കണ്ണു തുറന്നതും മുകളില്‍ നരിച്ചീറുകളെപ്പോലെ തൂങ്ങിക്കിടക്കുന്ന ഇരുട്ട്‌. ഇരുട്ടില്‍ വീണ്ടും കണ്ണുമിഴിച്ച്‌ അവള്‍ കിടന്നു. ഓര്‍മകള്‍ക്ക്‌ തിടം വെക്കുമ്പോള്‍ മറ്റെന്തെങ്കിലുമൊക്കെ ചിന്തിക്കാനുള്ള ശ്രമങ്ങള്‍ നടത്തും. പക്ഷേ വിഫലമാവാറാണ്‌ പലപ്പോഴും.
ഇന്നിപ്പോള്‍ എല്ലാം ഓര്‍ത്തെടുക്കാന്‍ മനസ്സ്‌ വെമ്പുന്നു. വര്‍ഷങ്ങള്‍ക്ക്‌ മുമ്പ്‌...

സില്‍ക്ക്‌പാതയിലെ ബുദ്ധിസവും ഇസ്‌ലാമും

- ബുക്‌സ്‌കാന്‍ -

കെ അശ്‌റഫ്‌

2001-ല്‍ അഫ്‌ഗാനിസ്‌താനിലെ താലിബാനികള്‍ ഭാമിയാനിലെ ബുദ്ധ പ്രതിമ തകര്‍ത്തതോടെയാണ്‌ ഇസ്‌ലാമും ബുദ്ധിസവും പുതിയ ചരിത്ര രാഷ്ട്രീയ സാഹചര്യമായി ലോക ദൃഷ്ടിയില്‍ വരുന്നത്‌. മാധ്യമങ്ങളും പണ്ഡിതന്മാരും ഇസ്‌ലാം സമം ഹിംസ, ബുദ്ധിസം സമം അഹിംസ എന്നൊക്കെയുള്ള ലളിത വിഭജനങ്ങള്‍ കൊണ്ടുവന്നു. അഞ്ചാം നൂറ്റാണ്ടില്‍ നിലനിന്നിരുന്ന നളന്ദ സര്‍വകലാശാല എന്ന ലോകോത്തര കലാലയം പന്ത്രണ്ടാം നൂറ്റാണ്ടില്‍ മുസ്‌ലിംകള്‍ തകര്‍ത്തുവെന്ന പ്രചാരണവും അമേരിക്കന്‍ സാമ്രാജ്യത്വം മുതല്‍ ഇന്ത്യയിലെ സവര്‍ണ ദേശീയവാദികള്‍വരെ അഴിച്ചുവിട്ടു.

ചോദിക്കുന്നതെല്ലാം നല്‍കണോ?

- കുടുംബകം -

അബൂസയ്‌ന്‍

വെള്ളം കോരിയും വീട്ടുജോലിയെടുത്തും അലി(റ) തളര്‍ന്നു. അയല്‍പക്ക വീടുകളില്‍ മാവ്‌ അരച്ചരച്ച്‌ ഫാത്തിമ(റ)യുടെയും കൈ കുഴഞ്ഞു. പകല്‍വേളയിലെ വിശ്രമമില്ലാത്ത അധ്വാനത്താല്‍ വിവശരാവുന്ന ഇരുവരും രാത്രിയില്‍ പരസ്‌പരം പരാതി പറയും. ഒടുവില്‍ അലി ഇങ്ങനെയും പറയും: നിന്റെ പിതാവിന്‌ അല്ലാഹു എത്ര പരിചാരകരെ നല്‌കിയിട്ടുണ്ട്‌? ഒരാളെയെങ്കിലും നമുക്ക്‌ നല്‌കിക്കൂടേ?